Aotek automobilgintzan eta optikan aritzen den I+G enpresa unitate bat da. Haren helburua da bikaintasun maila lortzea Fagor Automocion-ek fabrikatzen eta garatzen dituen teknologietan integratzen diren produktuetan: zenbakizko kontrolak, erreguladoreak eta posizioa hautemateko sistemak.

Zazpi zentro teknologikoek osatutako aliantza gara, bai eta erreferentzia handietako bat ere Berrikuntzarako Euskal Sisteman. Gure helburu nagusia da baliabideak elkartzea eta praktika hobeak elkarren artean trukatzea gure zentro teknologikoek bikaintasun zientifiko eta teknologikoko maila handiagoak lortu ahal ditzaten.

Honako zentro teknologikoak gara IK4ko kideak: Azterlan, Ceit, Gaiker, Ikerlan, Lortek, Tekniker, Cidetec, Ideko eta VicomTech.

KONIKER Koop. konformazioan eta mihiztaduran espezializatutako zentro teknologikoa da. I+G proiektuak modu koordinatuan betearazteko xedearekin sortu zen, bai eta konformazioa, mihiztadura, makineria eta tresnen sektoreko sinergiez baliatzeko bitarteko gisa ere.

Tecnalia Research & Innovation Fundazioa da Cidemco, ESI, Euve, Fatronik, Inasmet, Labein, Leia eta Robotiker taldeen batura, eta Espainiako Ikerketa, Garapen eta Berrikuntzako (I+G+B) talde pribaturik handiena, eta Europako lehenengoetako bat. 1.400 langile baino gehiago ditu.